Тунис еліне жеңіс сыйлаған қазақ бапкері енді ұлттық құраманы жаттықтырады

Есбол Сұлтанов таеквондодан ҚР Ұлттық құрамасының бас бапкері болып тағайындалды, деп хабарлайды Orda.kz. 

Есбол Сұлтанов Париж олимпиадасында таеквондодан Тунис құрамасына 1 алтын, 1 қола алып берген. Желтоқсан айында қазақ бапкері әлемнің ең үздік жаттықтырушысы атанды. 

Гонконгта Дүниежүзілік таеквондо федерациясы (Workd Taekwondo) таеквондодан 2024 жылдың үздіктерін марапаттау рәсімін өткізді. Жылдың «Ең үздік бапкері» болып қазақстандық маман Есбол Сұлтанов атанды.

Айта кетейік, Есбол Сұлтанов баптайтын Тунис құрамасының таеквондошысы Мохамед Халиль Жендуби Париж олимпиадасында чемпион атанса, 58 келі салмақта сынға түскен спортшысы қола жүлдені иемденген. Сондай-ақ Есбол Сұлтанов жаттықтыратын Тунис елінің 4 таеквондошысы Париж олимпидасына жолдама алған. 

Еске салайық, Orda.kz тілшісі бас бапкерден сұхбат алған.