Трамп Путин туралы: «Сабырым сарқылса қатаң әрекет етуге мәжбүр боламыз»

АҚШ президенті Дональд Трамп Ресей көшбасшысы Владимир Путинге қатысты төзімінің таусылуға жақын екенін мәлімдеді. Оның айтуынша, Мәскеу мен Киев бір уақытта келіссөздерге дайын екенін әлі көрсетпеген, деп хабарлайды Orda.kz.

Бұл туралы ол 12 қыркүйекте Fox News телеарнасына берген сұхбатында айтты. Оның сөзінен үзінділер X әлеуметтік желісіндегі Ақ үйдің Rapid Response 47 ресми аккаунтында жарияланды.

Телеарна журналисі Ақ үй басшысынан: «Путинге қатысты шыдамыңыз таусылған жоқ па?» деп сұраған.

«Оны былай айтқанда таусылуға жақын деп айтуға болады. Дегенмен танго билеу үшін екеу керек… Путин дайын болған кезде, Зеленский келіспеді. Ал Зеленский дайын болғанда, Путин қарсы болды… Жалғаса берсе, өте қатаң әрекет етуге тура келеді», — деп түсіндірді ол.

Жақында Трамп АҚШ Қорғаныс министрлігін  Соғыс департаменті деп өзгертетін жарлыққа қол қойды. Сонымен қатар Трамп енгізген көптеген  баж салығы АҚШ-та заңсыз деп танылды.

Айтпақшы, тіпті АҚШ-тың әлеуметтік желілерінде  Трамп қайтыс болды деген сыбыс та тараған болатын.

Биылғы тамыз аййының ортасында Америка Құрама Штаттарының басшысы Дональд Трампкезекті рет  Ресей Федерациясының президенті Владимир Путинмен және Украина президенті Владимир Зеленскиймен бірлескен саммит өткізгісі келетінін мәлімдеді. Бірақ ол да екі ел басшысының бір сөзге келе алмауынан шешмін тапқан жоқ.