Трамп ХАМАС-тың толық қарусыздану жөніндегі «тарихи» келісім жасалғанын мәлімдеді

АҚШ президенті Дональд Трамп Газа секторындағы ХАМАС және басқа да топтардың толық қарусызданғаны туралы «тарихи» келісімге қол жеткізілгенін мәлімдеді, деп хабарлайды  Orda.kz.        

Бұл туралы Ақ үй басшысы Truth Social әлеуметтік желісінде жазды.

«Бұл келісім Газа секторының ақыры жаңа палестиналық үкіметтің басқаруына өтуіне маңызды қадам. Ол үкімет Бейбітшілік кеңесімен тығыз жұмыс істеп, палестин халқына көмектеседі. Сонымен қатар Израиль де лайықты қауіпсіздікке ие болады, өйткені Газа енді террористік шабуылдарға арналған база ретінде пайдаланылмайды» деп жазылғанТрамп мәлімдемесінде. 

Оның айтуынша, бұл «Трамп жоспары» деп аталатын 20 тармақтан тұратын бағдарламаны жүзеге асырудағы маңызды кезең екен.

Келісім мұқият әзірленген кестеге сәйкес кезең-кезеңімен жүзеге асырылады.

«Қарусыздану аяқталған сайын Израиль әскерлері шығарылып, халықаралық тұрақтандыру күштері жаңа палестиналық полициямен бірге Газа тұрғындары мен көрші елдердің қауіпсіздігін қамтамасыз ету жауапкершілігін өз мойнына алады», деп түсіндірді Трамп. 

Сонымен қатар ол делдал болған Мысыр, Қатар және Түркия елдеріне алғыс білдірді.

Оқи отырыңыз:

• Қытайдың «мұнай жұмбағы»: Тағы да жұмсақ күш танытпақшы ма?
• Армения үкіметі отставкаға кетеді, билік қайтадан Пашинянның қолында қала ма?