Тоқаевтың жарлығымен сыртқы істер министрінің ағасына марапат берілді

Қуаныш Сұлтанұлы президенттің жарлығымен мемлекеттік және қоғамдық қызметтегі айрықша еңбегі үшін «Отан» орденімен марапатталды, деп хабарлайды Orda.kz.

Бұған дейін Сұлтанов парламент мәжілісінде де, сенатта да бірнеше шақырылымның депутаты болды. Қазақстанның Қытайдағы елшісі қызметін атқарды. Вице-премьер болды. Қазақстан тәуелсіздігінің таңы атқан шағында ол бірінші баспасөз және ақпарат министрі болып қызмет атқарды.

Айта кетейік, Мұрат Нұртілеу Қуаныш Сұлтановтың немере інісі. Бұл туралы Михаил Козачков 2022 жылы өзінің Facebook парақшасында жазған болатын. 

«Суретте Мұрат Нұртілеу және тағы бірнеше адам бейнеленген. Анасының жанында жасы үлкен азамат – мемлекет және саяси қайраткер, сенатор Қуаныш Сұлтанұлы Сұлтановты бірден байқадыңыз деп ойлаймын. Ол өмірінің бір бөлігін сыртқы істер министрлігі жүйесінде өткізді. Тіпті Қазақстанның Қытайдағы, Солтүстік Кореядағы және Вьетнамдағы елшісі болды. Байланысты аңғардыңыз ба? Сыртқы істер министрлігі, дипломаттар, Сенат... Женевада да араласқанына сенімдімін. Ал, Мұрат Нұртілеу деген кім? Менің ойымша, бұл оның немере інісі» деп жазды белгілі қазақстандық журналист Михаил Козачков. 

Еске сала кетейік, Украина президенті Владимир Зеленский Владимир Путинмен келіссөз үстелінде жеке кездесуге дайын екенін айтқан еді.