Путинді бейсенбі күні Түркияда күтемін — Зеленский

Украина президенті Владимир Зеленский Владимир Путинмен келіссөз үстелінде жеке кездесуге дайын екенін айтты, деп хабарлайды Orda.kz.

Украина президенті Зеленский 15 мамырда Түркия елінде күтетінін мәлімдеді.

«Біз ертең толық әрі ұзақ мерзімге атысты тоқтатамыз деп күтеміз. Бұл дипломатияға қажетті негіз беру үшін маңызды мәселе. Адам өлтіруді созудың мәні жоқ. Мен бейсенбі күні (15 мамыр) Түркияда Путинді күтемін. Жеке. Бұл жолы Ресей тарапы келмеуге себеп іздеп отырмайды деп үміттенемін» деп жазды Владимир Зеленский әлеуметтік желіде.

11 мамырға қараған түні Владимир Путин Кремльде сөйлеген сөзінде Украинаға тікелей келіссөздерді қайта бастауға ұсыныс жасады. Ол келіссөздердің 2022 жылы үзілгенін айтып, 15 мамырда Стамбұлда алдын ала талаптарсыз кездесуді ұсынды.