Тоқаев Питер Фостермен АҚШ-қа тікелей әуе қатынасын ашу мәселесін талқылады

Мемлекет басшысы Air Astana компаниясының бас атқарушы директоры Питер Фостерді қабылдады, деп хабарлайды Orda.kz.

Тоқаев Air Astana компаниясының Еуразиядағы жетекші авиатасымалдаушылардың біріне айналуына Питер Фостердің қосқан үлесі зор екенін айтты.

Әңгімелесу барысында Қазақстан мен АҚШ арасында тікелей әуе қатынасын ашу мәселесі қаралды. Сондай-ақ алыс қашықтыққа ұшатын әуе кемелерін сатып алу мәселесі де айтылды. 

Президент отандық авиацияның бәсекеге қабілеттілігін одан ары арттыру қажет екенін мәлімдеді.

Айта кетейік, жыл басында Питер Фостердің басы дауға қалды. Air Astana басшысының жұбайы туыстарына жеңілдікпен билеттер алғаны туралы ақпарат тарады. 

Оқи отырыңыз:

• Референдумға арналған бюллетень үлгісі жарияланды
• Қазақстандықтар «әдемі» автонөмірлерден ақшасын аямады: Бюджетке қанша кіріс кірді?