Тоқаев пен Путин Байқоңырға «Союз-5» зымыранының ұшырылымына келеді, жобаға 100 млрд теңгеге жуық қаражат жұмсалды

Қазақстан Президенті Қасым-Жомарт Тоқаев пен Ресей Президенті Владимир Путин желтоқсан айында Байқоңырға арнайы сапар жасауы мүмкін, деп хабарлайды Orda.kz.

Қала әкімшілігінің басшысы Константин Бусыгиннің айтуынша, мемлекет басшыларының сапары «Союз-5» зымыран тасығышының ұшырылуына орайластырылып отыр. Алдын ала ұшу мерзімі — 25 желтоқсан деп белгіленген.

«Бәйтерек» жобасы 2005 жылы Қазақстан мен Ресей арасындағы бірлескен кәсіпорын ретінде құрылған. Жоба «Зенит» ұшыру кешенін жаңа орташа санатты зымыран тасығышқа бейімдеп жаңғыртуды көздейді.

Ашық деректерге сүйенсек, 2025 жылы бұл жобаны дамытуға 60 млрд теңгеден астам қаражат қарастырылған. Жалпы шығын көлемі 100 млрд теңгеге жақындап қалды.

«Союз-5» зымыранының сынақтық ұшырылымы 2025 жылдың соңына жоспарланған. Сонымен қатар, қазақстандық ғалымдар өздерінің технологияларды сынақтан өткізу және атмосфераны бақылауға арналған зымыран тасығышының прототипі бойынша жұмысын бастап кетті. Оның алғашқы ұшырылымы да келесі жылы жүзеге аспақ.

Жақында Байқоңыр ғарыш айлағында есептен шыққан бағалы металдары бар жабдықтар сатылымға шықты.

Orda.kz жуықта  «Көп жылғы еңбек құрдымға кетті»: Путиннің жарлығы Байқоңыр тұрғындарының баспаналы болу үмітін үзді деген мақала жариялаған болатын.

2023 жылы Ресей билігі Байқоңыр тұрғындарына ресейлік төлқұжат таратты.