Қазақстанда Байқоңыр ғарыш айлағының құрылғылары мен кейбір ғимараттары сатылады

Байқоңыр ғарыш айлағында есептен шыққан бағалы металдары бар жабдықтар сатылымға шықты. Кейбір ғимараттар мен құрылыстар да сатылады, деп хабарлайды Orda.kz.

Мемлекеттік мүлік аукционы сайтында Байқоңырдағы технологиялық жабдықтарды сатуға лот жарияланды. Оларды «Бәйтерек» Қазақстан-Ресей бірлескен кәсіпорын сатады.

Сонда нақты нені сатып жатыр?

• Жүйелердің түйіндері мен бөлшектері;
• металл конструкцияларының элементтері;
• кабельдік өнімдер;
• ғимараттар мен құрылыстар;
• вагондар;
• өлшеу құралдары;
• құрамында қара, түсті және бағалы металдар бар компоненттер.

Бұл заттарға 40-60 жыл болған. Бағалау құны 753,2 млн теңге, алайда сауда-саттық 135,4 млн теңгеден басталады. 

Еске сала кетейік, бұған дейін Украина мен Ресей арасындағы келіссөздерге екі жақтың президенттері келмейтінін жазған болатынбыз.