Тоқаев Низар Амидиді Ирак Республикасының президенті болып сайлануымен құттықтады

Мемлекет басшысы Ирак Республикасының президентіне құттықтау жеделхатын жолдады, деп хабарлайды Orda.kz.      

Қасым-Жомарт Тоқаев Низар Амидиді Ирак Республикасының президенті болып сайлануымен құттықтады.

Қазақстан президенті Ирак мемлекеті мен халқының жарқын келешегін қамтамасыз етуге бағытталған Низар Амидидің бастамаларына сәттілік тіледі. 

Сондай-ақ екі ел арасындағы дәстүрлі достық пен өзара қолдау рухындағы ынтымақтастықтың одан әрі дами түсетініне сенім білдірді. 

Низар Мұхаммад Саид Амиди 1968 жылы 6 ақпанда дүниеге келген, ирактық саяси және мемлекеттік қайраткері, «Күрдістан патриоттық одағының» мүшесі. 2026 жылғы 11 сәуірден бастап Ирактың 10-шы президенті.

Ирак ақпарат агенттігі хабарлағандай, дауыс беру нәтижесінде Низар Мұхаммад Саид 227 дауыспен Ирак президенті болып сайланды. Тағы бір кандидат, депутат Мусанна Амин Надир 15 дауыс жинаған.

Дауыс беру барысында жеті сайлау бюллетені жарамсыз деп танылған.

Оқи отырыңыз:

• АҚШ пен Иран 14 күнге бітім жариялады: Тоқаев құптады
• Шавкат Мирзиёев Қасым-Жомарт Тоқаевқа бірқатар тарихи-мәдени құндылығы зор құжат берді
• Мемлекет басшысы еліміздің православ қауымын Пасха мерекесімен құттықтады