АҚШ пен Иран 14 күнге бітім жариялады: Тоқаев құптады

АҚШ пен Иран Пәкістанның араағайындығымен екі апталық атысты тоқтату туралы келісті. Президент Қасым-Жомарт Тоқаев Пәкістан премьер-министрі Шахбаз Шариф пен Пәкістан қарулы күштерінің бас қолбасшысы, фельдмаршал Асим Мунирдің араағайындығы арқылы Таяу Шығыстағы соғысты толық тоқтату және бітімге келу туралы келісімге қол жеткізілуін құптайды, деп хабарлайды Orda.kz. 

Бұл келісім АҚШ президенті Дональд Трамптың және Иранның жоғарғы басшылығының, сондай-ақ әскери қақтығысқа қатысқан елдердің ізгі ниеті мен парасаттылығының арқасында мүмкін болған. 

Мемлекет басшысы әлемдік сауданың дамуына және барлық мемлекеттің экономикалық өркендеуіне жағдай жасау мақсатында қол жеткізілген бітімгершілік келісімнің  ұзақ мерзімді сипатқа ие болатынына үміт білдірді.

Бұған дейін Трамп тараптар қақтығыста екі аптаға үзіліс жасауға келіскенін мәлімдеді. Осы кезеңде Иран Ормуз бұғазындағы кеме қатынасының қауіпсіздігіне кепілдік береді. Америка басшысы сондай-ақ Иранның энергетикалық инфрақұрылымына ықтимал соққыларды екі аптаға шегеретінін айтты. Осы уақыт аралығында атысты тоқтату режимі күшінде болады.

Оқи отырыңыз:

• Ақтөбе облысы әкімдігінің ғимараты өртке оранды
• Трамп Иран өркениеті «жойылуы» мүмкін екенін тағы мәлімдеді
• Перизат Қайраттың тағы бір көлігі мемлекет меншігіне өтті