Тоқаев Лукашенконы Беларусь Республикасының Тәуелсіздік күнімен құттықтады

Мемлекет басшысы Қасым-Жомарт Тоқаев Беларусь президентіне құттықтау жеделхатын жолдап, Александр Лукашенконы Беларусь Республикасының Тәуелсіздік күнімен құттықтады, деп хабарлайды  Orda.kz.       

 
«Беларусь халқының бірлігін, ұлттық рухының мықтылығын және елдің жасампаздық пен өркениет жолындағы батыл қадамын айшықтайтын бұл айтулы күннің символдық мәні ерекше. Қазақстандықтар бауырлас беларусь халқына айрықша ықылас танытып, оның төл мәдениеті мен бай дәстүріне зор құрметпен қарайды» деп жазылған жеделхатта. 

Мемлекет басшысы Қазақстан мен Беларусь арасында достық пен стратегиялық серіктестік рухына сай жемісті әрі өзара тиімді ынтымақтастық жолға қойылғанын атап өтті.
 
Қасым-Жомарт Тоқаев Александр Лукашенконың жауапты мемлекеттік қызметіне табыс, ал Беларусь халқына бақ-береке тіледі.

Оқи отырыңыз:

• Беларусь ядролық қаруды жауынгерлік қолдану бойынша жаттығуларды бастады
• Қазақстан мен Беларусь сауда-экономикалық ынтымақтастықтың жол картасына қол қойды
• Беларусь еліндегі журналистер қауымдастығы жабылды