Тоқаев Ербол Хамитовты Паралимпиададағы жеңісімен құттықтады

Президент Қасым-Жомарт Тоқаев Италияда өтіп жатқан қысқы Паралимпиада ойындарында топ жарған биатлоншы Ербол Хамитовты жеңісімен құттықтады, деп хабарлайды Orda.kz.

Мемлекет басшысы спортшының табандылығы мен қайсарлығының арқасында күрделі жолдан өтіп, биік белесті бағындырғанын атап өтті. Президенттің айтуынша, бұл — үлкен құрметке лайық айтулы жетістік.

Қазақстан құрамасының ту ұстаушысы Ербол Хамитов осыған дейін шаңғы жарысынан Паралимпиаданың қола жүлдесін иеленген еді.

Қасым-Жомарт Тоқаев спортшыға алдағы уақытта да толағай табыс, мұқалмас жігер және мықты денсаулық тіледі.

Оқи отырыңыз:

• Паралимпиада ойындарында Қазақстан қоржынына алтын түсті
• Михаил Шайдоров ISU сыйлығына үміткер атанды