Тоқаев Баку мен Ереван арасындағы бейбітшілік туралы келісімді тарихи маңызды жетістік деп атады

Қазақстан Президенті Қасым-Жомарт Тоқаев Вашингтонда қол қойылған Әзірбайжан мен Армения арасындағы бейбітшілік туралы келісімді тарихи маңызды жетістік деп атады, деп хабарлады Ақорданың баспасөз қызметінес сілтеп Orda.kz.        

«Президент Қасым-Жомарт Тоқаев Вашингтонда қол қойылған Әзірбайжан мен Армения арасындағы бейбітшілік туралы келісімді тарихи маңызды жетістік деп санайды. Құжат екі мемлекет арасындағы ұзақ мерзімді әскери қақтығысты тоқтатып, дипломатиялық қарым-қатынастар орнатуға және олардың арасындағы берік бейбітшілік негізінде ынтымақтастықты дамытуға жол ашты» деп жазылған хабарламада. 

Қазақстан Президенті Әзірбайжан мен Армения арасында жасалған бірегей келісім АҚШ президенті Дональд Трамптың белсенді әрі нәтижелі делдалдығының арқасында мүмкін болды деп санайды, ол екі елдің көшбасшыларын саяси ерік-жігері мен стратегиялық көрегендігін көрсетуге көндіре алды.

Мемлекет басшысы бейбіт келісімнің негізгі шарттары бойынша сыртқы істер министрлерінің келіссөздері үшін алаң ретінде Алматыны ұсына отырып, Қазақстан Әзірбайжан мен Армения арасындағы маңызды уағдаластықтарға қол жеткізуге өз үлесін қосқанын атап өтті. Онда министрлер келіссөздері өткен болатын.

Біз бұған дейін Вашингтонда АҚШ президенті Дональд Трамптың арағайындығымен Армения премьер-министрі Никол Пашинян мен Әзірбайжан президенті Ильхам Әлиев екі ел арасындағы бейбіт қарым-қатынастар туралы декларацияға қол қойғанын хабарладық.