Тоқаев АЛЖИР мұражай-мемориалдық кешені экспозицияларын аралады

Президент АЛЖИР саяси қуғын-сүргін және тоталитаризм құрбандарының мұражай-мемориалдық кешеніне аралап, ондағы экспозицияларда қарап шықты, деп хабарлайды Orda.kz.

Мемлекет басшысына тұтқындардың бірегей құжаттары, жеке заттары мен мұрағат материалдары көрсетілді.

1938-1953 жылдары Ақмола лагерінде мыңдаған жазасыз сотталған әйелдер қамауда болды.

Қазір бұл жерде жалпыұлттық маңызы бар ескерткіш ретінде АЛЖИР мұражай-мемориалдық кешені тұрғызылған.

 Бұған дейін Қасым-Жомарт Тоқаев мемориалға гүл қойып, саяси қуғын-сүргін мен ашаршылық құрбандарын бір минут үнсіздікпен еске алған болатын.

Кейіннен өткен іс-шарада сөйлеген сөзінде президент жыл сайын 31 мамырда біз саяси қуғын-сүргін мен ашаршылық құрбандарын еске алып, сол қаралы жылдары қаза болғандардың бәріне тағзым етеміз деп мәлімдеді.

Кеңестік Қазақстандағы қуғын-сүргінге ұшырағандардың саны үш миллионнан асуы мүмкін. 

2022 жылы Қазақстанда 1920-1950 жылдардағы саяси қуғын-сүргін тақырыбын зерттеуге 8,5 млн теңге бөлінген болатын. Одан бері оның дерегін алып, қаражаттың қайда және қалай жұсалғанының есебін алған бір құзырлы орган болмады.