Тоқаев Алматының су жаңа әкімімен кездесті

Қасым-Жомарт Тоқаев Алматы қаласының жаңадан тағайындалған әкімі Дархан Сатыбалдыны қарсы алып, кездесу өткізді, деп хабарлайды Orda.kz. 

Дархан Сатыбалды президентке алдағы жұмыс жоспары туралы айтты. Жаңа әкім әлеуметтік-экономикалық даму, қала экологиясын оңалту және шаһар тұрғындарының тұрмыс сапасын арттыру туралы пікірін баяндады.

Тоқаев президент әкімшілігінің экс-орынбасарына тұрақты экономикалық өсім қамтамасыз ету, экономиканы әртараптандыру, қаланың инфрақұрылымын кешенді түрде жаңғырту, сондай-ақ жол-көлік желісінің жағдайын жақсарту, экологиялық мәселелерді шешу сияқты бірқатар нақты тапсырма берді.

Айта кетейік, екі күн бұрын Дархан Сатыбалды Алматы қаласының әкімі болып тағайындалды.