Тоқаев АҚШ пен Иран арасындағы келісімді құптады

Президент Қасым-Жомарт Тоқаев Америка Құрама Штаттары мен Иран Ислам Республикасы арасында қол жеткізілген келісімге қатысты пікір білдіріп, оны халықаралық қауіпсіздік үшін маңызды қадам деп бағалады, деп хабарлайды Orda.kz.

Мемлекет басшысы қазіргі күрделі халықаралық жағдайда мұндай келісімнің аймақ пен бүкіл әлем үшін ерекше маңызға ие екенін атап өтті.

«Халықаралық ахуал күрделі қазіргі кезеңде аймақ және әлемдік қоғамдастық үшін мұндай келісімнің маңызы зор. Біз тараптардың саяси ерік-жігерін жоғары бағалаймыз. Бұл өзара сенімді қалпына келтіріп, екі жаққа да тиімді шешім қабылдауға мүмкіндік берді», – деп жазды Ақорда.

Тоқаев АҚШ президенті Дональд Трамп көрсеткен көшбасшылықты ерекше атап өтті. 

«Сын сәтте батыл әрекет етіп, стратегиялық көрегендік танытқан АҚШ Президенті Дональд Трамптың көшбасшылығын ерекше атап өтеміз. Сонымен қатар Иран Ислам Республикасы жетекшілігінің конструктивті ұстанымын қуаттаймыз», – деді мемлекет басшысы.

Президенттің айтуынша, Қазақстан бұл келісім Таяу Шығыстағы тұрақтылық пен қауіпсіздікті нығайтуға ықпал етеді деп сенеді.

«Қазақстан осы бейбіт келісімге қол қою Таяу Шығыста және одан тысқары жерлерде бейбітшілік пен тұрақтылықтың берік негізін қалайтынына сенім артады», – деп мәлімдеді Қасым-Жомарт Тоқаев. 
 

Мемлекет басшысы келісімді дипломатия мен саяси диалогтың нәтижесі ретінде бағалап, оның өңірлік және жаһандық қауіпсіздікке оң әсер ететініне үміт білдірді.

Оқи отырыңыз:

Вискиді даяшы ішті ме? Әл-Фараби даңғылында үш адамның өмірін жалмаған Пак прокурордың сұрағына жауап беруден бас тартты 

107 күндік соғыс аяқталды ма? АҚШ пен Иран келісімге келсе де, шарттары әлі белгісіз