Тоқаев AD Ports Group басшысымен Каспий өңірінің транзиттік әлеуетін кеңейту мәселесін талқылады

Президент AD Ports Group басшысымен порттарды дамыту және Транскаспий халықаралық көлік бағыты (ТХКБ) мәселесін талқылады, деп хабарлайды Orda.kz.       

Қасым-Жомарт Тоқаев AD Ports Group компаниясының басшысы Мұхаммед Әл-Шамисимен кездесті. Тараптар Орта дәліз аясында Каспий өңірінің транзиттік әлеуетін кеңейту мәселелерін талқылады.

Президент жуырда Брюссельге жасаған сапары барысында Еуропалық одақ пен еуропалық бизнес өкілдері Транскаспий халықаралық көлік бағыты арқылы жүк тасымалын ұлғайтуға дайын екенін растағанын айтты. Олар бұл бағытты Азия мен Еуропаны байланыстыратын негізгі көлік дәлізі ретінде бағалаған.

Кездесуде жүк тасымалы саласындағы бірлескен кәсіпорындарды дамытуға және порт инфрақұрылымын жетілдіруге, оның ішінде астық және жүк терминалдарын салуға ерекше назар аударылды. Өз кезегінде Мұхаммед Әл-Шамиси өңірде ұзақ мерзімді стратегиялық ынтымақтастықты дамытуға мүдделі екенін растады.

Оқи отырыңыз:

• Қасым-Жомарт Тоқаев халықаралық гимнастика ұйымы жетекшілерін қабылдады
• Қазақстан Иран портында жерді жалға алып, мұхитқа шығуды жоспарлап отыр