Төреғали Төреәліні қорғауға Қайрат Нұртастың әкесі шықты

Танымал қазақстандық әнші Қайрат Нұртастың әкесі Айдарбек Нұртас Төреғали Төреәлі байланысты өз пікірін айтты.

Айдарбек Нұртастың айтуынша, ол заң бұзушылықтардың ауырлығын біледі, бірақ соған қарамастан жұртшылықтан Төреғалиды түсінуді сұрайды.

«Сөге жамандамаңыздар. Ата менен ана баланың өзін туғанымен мінезін тумайды. Айтыңыздаршы қай ата-ана балам жаман болсын деп тәрбие береді екен? Қой ақсағымен 1000 деген қазақ, Төреғали жаман дегенде бізге жақсысын кім береді? Барымызды түзеп жолға салуымыз керек ағайын. Мен сіздерді жақсы түсінемін, сіздер де бүгінгі жағдайды түсініп қарасаңыздар екен деген ниет мендегі.

Онсыз да бұл бала, өзіне тиесілі Алланың жазғанын көріп жатыр. Жығылғанға жұдырық деп, онсызда езіліп отырған ата-анасының жүрегіне сызат салудың қажеті жоқ деп ойлаймын. Ағайын, ертең қай-қайсымыздың болса да алдымызда не күтіп тұрғаны бір Аллаға мәлім. Ата-ананы Алла баласымен сынамасын!» деп жазды ол.

Жарияланған суреттерде Төреғали Төреәлі Қайрат Нұртастың отбасымен бірге түскен. Отандық жұлдыздар жақын достық қарым-қатынаста екені белгілі.

Еске салсақ, 20 тәулікке қамауға алынып, 7 жылға жүргізуші куәлігінен айырылып, үстінен қылмыстық іс қозғалған болатын.