Тоқаев: Мемлекеттік компаниялар құруға тыйым салуды ұзартты

Қазақстан Президенті Қасым-Жомарт Тоқаев квазимемлекеттік сектор субъектілерін құруға тыйым салуды ұзартты. Бұл туралы 28 желтоқсанда президент әкімшілігінің баспасөз қызметі хабарлады.

Мораторий 2021 жылдың 31 желтоқсанына дейін ұзартылды. Тыйым әлеуметтік саладағы компанияларға, жұмыс істеп тұрған ұйымдарды оңтайландыру шеңберінде құрылған заңды тұлғаларға қолданылмайды.

Сонымен қатар, жарлық мемлекетке тиесілі 50% -дан аз акционерлік қоғамдарға, сондай-ақ президенттің тапсырмасы бойынша құрылған компанияларға қолданылмайды.

Еске салсақ, желтоқсанның басында Қасым-Жомарт Тоқаев квазимемлекеттік компанияларды құруға мораторийді ұзарту туралы мәлімдеме жасады. Оның айтуынша, бұл шара мемлекеттің экономикаға қатысу үлесін азайтуға бағытталған.