Thailand Open турнирі: Қазақстан ескек есуден «алтын» алды

Таиландта өтіп жатқан ескек есу слаломы бойынша халықаралық рейтингтік Thailand Open турнирінде қазақстандық спортшы каноэ бағдарламасында үздік атанды, деп хабарлайды Orda.kz.      

Таиландтың Районг қаласында жалғасып жатқан жарыстың кезекті күні Қазақстан құрамасы алғашқы алтын медалін жеңіп алды. Бұл жүлдені қазақстандық спортшы Александр Куликов иеленді. Ол каноэ бағдарламасы бойынша жекелей сында жеңіске жетті.

Финал қорытындысы бойынша Куликов 86,51 секунд нәтиже көрсетті. Қақпаға тигені үшін 2 секунд айып уақыты қосылғанына қарамастан, қазақстандық спортшы қарсыластарынан озып, бірінші орынды иеленді.

Жарыс жүлдегерлері:

• 1-орын — Александр Кулииков (Қазақстан)
• 2-орын — Кейго Ямамото (Жапония)
• 3-орын — Севан Билло (Австралия)

Үздік бестік қатарына Қазақстанның тағы бір өкілі Қуаныш Еренғайыпов та енді. Ол төртінші орынды иеленді.

Турнирдің алдыңғы күндері қазақстандық спортшылар үш күміс және екі қола медаль жеңіп алған болатын. Күміс жүлдегерлер: Иманғали Мамбетов (каяк), Анастасия Ананьева (каноэ) және Екатерина Таранцева (каяк-кросс). Қола медальді Владислав Рябко мен Тимур Рынк (екеуі де – каяк-кросс) иеленді.

Thailand Open турнирі 8 наурызда аяқталады. Одан кейін спортшылар Паттайяға аттанып, 18 жасқа дейінгі және 23 жасқа дейінгі спортшылар арасындағы Азия чемпионатына қатысады.

Оқи отырыңыз:

• Bulgaria Open-2026: Спортшыларымыз елге 11 медаль әкелді
• «Медеу» спорт кешенінің ашылғанына 52 жыл толды
• Тоқаев конькимен жүгіруші Кристина Шумекованы әлемнің абсолютті чемпионы атануымен құттықтады