Тоқаев конькимен жүгіруші Кристина Шумекованы әлемнің абсолютті чемпионы атануымен құттықтады

Қасым-Жомарт Тоқаев қазақстандық конькимен жүгіруші Кристина Шумекова жасөспірімдер арасындағы әлем чемпионатындағы жеңісімен құттықтады, деп хабарлайды Orda.kz.

Ақорда баспасөз қызметінің хабарлауынша, мемлекет басшысы Кристина Шумекованы конькимен жүгіру спортынан жасөспірімдер арасындағы әлем чемпионатындағы тарихи жетістігімен құттықтады.

Президент Қасым-Жомарт Тоқаев үш алтын медаль жеңіп алып, әлемнің абсолютті чемпионы атанған спортшының жарқын өнері отандық спорт үшін шын мәнінде тарихи оқиға болғанын атап өтті.

Мемлекет басшысы жас спортшының бұл айрықша табысы оның ерекше талантының, тынымсыз еңбегінің, темірдей тәртібінің және жеңіске деген қайсар рухының нәтижесі екенін жеткізді.

Сондай-ақ ол Кристина Шумековаға үлкен спортта жарқын болашақ тіледі.