Театр ардагері Бижамал Кемалова өмірден өтті

С.Сейфуллин атындағы Қарағанды облыстық академиялық қазақ драма театрының актрисасы, Қазақстан Республикасының Мәдениет қайраткері, «Ерен еңбегі үшін» медалінің иегері Бижамал Кемалова ұзаққа созылған ауыр науқастан кейін қайтыс болды, деп хабарлайды Orda.kz.

Бижамал Далабайқызы еңбек жолын 1980 жылдардың басында Сәкен Сейфуллин атындағы театрда бастап, онда ұзақ жылдар бойы көрерменге қызмет етті. Сонымен қатар ол Астанадағы Қалибек Қуанышбаев атындағы Қазақ ұлттық музыкалық драма театрының негізін қалаған театр ардагерлерінің бірі болды.

Өнер иесі сахнада қазақ қыз-келіншектерінің, аналар мен әжелердің ондаған жарқын бейнесін сомдап, өзіндік актерлік қолтаңбасын қалыптастырды. Әріптестері оны театр ұжымының мақтанышы әрі жас буынның ақылшы ұстазы ретінде бағалайды.

Марқұмның туған-туыстары мен жақындарына көңіл айтамыз. Иманы саламат, жаны жәннатта болсын.

Оқи отырыңыз: 

• Алматыда биыл 105 лифт ауыстырылады
• 9 ай бойы дұрыс емдемеген: БҚО-дағы аурухана қайтыс болған науқастың отбасына өтемақы төленеді