Тбилисиде жоғалған қазақстандықтың мүрдесі табылды

4 тамызда Тбилисиде жоғалып кеткен 27 жастағы қазақстандық өлі табылды, деп хабарлайды Orda.kz. 

Бүгін, 6 тамыз күні із-түзсіз кеткен Шыңғыс Мұсаәділовтің қаза тапқаны белгілі болды. Оның мәйіті табылғанын марқұмның туыстары мәлімдеді. Қайғылы оқиғаның мән-жайы анықталып жатыр. Грузияның Қазақстандағы елшілігі ақпаратты растады. 

Шыңғысты соңғы рет достары «Руставели» метро станциясына жақын орналасқан Laila клубының жанында көрген. Одан кейін жігіт үйіне де келмеген, жұмысына да бармапты. 

Жақындары мен туыстары Тбилиси полициясына арыз беріп, әлеуметтік желілер арқылы хабарландырулар таратты. Жігіт өлі табылды. Грузия құқық қорғау органдары әзірге ресми пікір білдірмеді.

Айта кетейік, Атырау облысының қылмыстық істер жөніндегі мамандандырылған ауданаралық сотында жас қыз Яна Легкодимованы қатыгездікпен өлтіру ісі бойынша сот тыңдауы басталды.