Тасмағамбетовтің күйеу баласы украиналық «БТА Банкті» сатылымға шығарды

Иманғали Тасмағамбетовтің күйеу баласы, миллиардер Кеңес Рақышевтен днепрлік Вячеслав Мишалов пен Дмитрий Шевчук атты екі кәсіпкер украиналық «БТА Банкті» сатып алуға ниетті, деп хабарлайды Orda.kz.

Forbes-тің мәліметіне сүйенсек, Украинаның монополияға қарсы комитеті (УМҚК) мәмілені мақұлдады. Енді оны Украина Ұлттық Банкі (УҰБ) қарайды. Оған бұл туралы құжаттар 2025 жылдың 26 маусымында келіп түскен. Заң бойынша, банк сатып алу объектісі ретінде жеке өтініш беруге міндетті емес.

Мишалов үлестің 70%-на, ал Шевчук 30%-на үміткер. Бұл кәсіпкерлердің бірі «Фрегат» интернет-провайдері мен «Фортрес» инвестициялық қорының ортақ иесі болса, екіншісі «МПСС Финанс» қоры арқылы қаржыға қатысады. Екеуі де «Є Гроши» компаниясына 11%-дан иелік етеді.

«Бізде УМҚК-ға өтінім беруге мүмкіндік беретін алдын ала келісім бар», – деді украиналық БТА кеңесінің төрағасы Әлібек Мұхамед-Рахимов. 

УҰБ-ның 1 маусымдағы мәліметі бойынша, сатылымға шыққан украиналық банктің Киевте шағын кеңсесі бар. Оның 355,2 млн гривен активі, 197,3 млн - капиталы, 14,3 млн - шығыны бар.

Айта кетейік, осы жылдың наурыз айында Кеңес Рақышевті «Астана Опера» театрының қамқоршылық кеңесінен шығару жоспарланған болатын.

Еске сала кетейік, 2025 жылғы 3 шілдеден бастап «Қазақстан темір жолы» ұлттық компаниясының басқарма төрағасы қызметіне Талғат Алдыбергенов тағайындалды. Жаңа басшы кім, еңбек жолы қандай екенін жазған болатынбыз.