Таразда гимназия аумағында оқушы биіктен құлап, ауыр жарақат алды

Тараз қаласындағы №40 гимназия аумағында оқушы биіктен құлап, ауыр жарақат алғаны белгілі болды, деп хабарлайды Orda.kz.      

«Аталған дерек бойынша қазіргі уақытта ҚР Қылмыстық кодексінің 114-бабы 3-бөлігімен қылмыстық іс қозғалды. Полиция қызметкерлері оқиғаның барлық мән-жайын анықтауда. Тексеру нәтижесі бойынша қолданыстағы заңнамаға сәйкес процессуалдық шешім қабылданады. ҚР Қылмыстық-процестік кодексінің 201-бабы талаптарына сәйкес, тергеу мүддесіне байланысты өзге ақпарат жария етілмейді», деп хабарлады Тараз қалалық полиция департаменті. 

БАҚ мәліметінше, оқиға таңертең болған. 10-сынып оқушысы гимназия ғимаратының сыртында орналасқан өрт сатысына көтерілген. Бейнебақылау камералары жасөспірімнің саты қоршауында тұрғанын, кейін тепе-теңдігін жоғалтып, құлағанын тіркеген.

Хабарланғандай, оқиға алдында ол WhatsApp чатында қоштасу сипатындағы хабарламалар жіберген болуы мүмкін. Құлағаннан кейін оқушы облыстық балалар ауруханасына жеткізілді. Дәрігерлер оған ауыр жарақат, соның ішінде ми зақымдануы, сүйегінің сынғаны және ішкі ағзаларының жыртылғаны туралы диагноз қойған. Оның жағдайы өте ауыр деп бағаланып, жансақтау бөлімінде жатыр.

Белгілісі жасөспірім жақсы оқыған және түрлі білім беру үйірмелеріне қатысқан. Сондай-ақ бұған дейін онымен профилактикалық жұмыс жүргізілгені, алайда анасы психологиялық-педагогикалық сүйемелдеуден бас тартқаны айтылды.

Сонымен қатар қауіпсіздік мәселесіне де назар аударылып,  мектеп аумағы күндізгі уақытта ашық болып, бөгде адамдардың еркін кіруіне мүмкіндік болған.

Оқиғаның мән-жайы анықталуда.

Оқи отырыңыз: 

• • Алматыдағы Абай атындағы алғашқы ұлттық мектепке құжат қабылдау басталды
  • Алматыда ерекше балаларды оқытатын тағы бір мектеп жұмысын тоқтатуға мәжбүр
  • 1 қыркүйекке қарай Алматыда қанша мектеп ашылады