Таразда автобус жүргізушісі жолаушымен болған жанжал кезінде пышақ жарақатын алды

Тараз қаласында қоғамдық көлікте жолаушы мен автобус жүргізушісі арасында жанжал шығып, оның соңы төбелеске ұласқан. Оқиға салдарынан жүргізуші пышақ жарақатын алды, деп хабарлайды Orda.kz.

Куәгерлердің айтуынша, масаң жолаушы жүргізушіден жұмыс уақыты аяқталғанына қарамастан автобусты жүргізуді талап еткен. Екеуі сөзге келіп, жағдай ушығып кеткен.

Күдікті көп ұзамай ұсталып, уақытша ұстау изоляторына қамалды. Ал жарақат алған жүргізуші медициналық мекемеге жеткізіліп, оған қажетті көмек көрсетілді.

Аталған оқиға бойынша сотқа дейінгі тергеп-тексеру басталды. Қазіргі уақытта құқық қорғау органдары болған жағдайдың барлық мән-жайын анықтауға бағытталған тергеу жұмыстарын жүргізіп жатыр.

Оқи отырыңыз:

• Николас Мадуро түрмеде отырып халқына ерекше хат жолдады
• Қырғызстанда мектеп маңында зиян тағам сатуға тыйым салынады