Талғардағы жағдайдан кейін облыс әкімі қызметінен кете ме?

Алматы облысының әкімі отставкаға кету туралы сұраққа жауап берді, деп хабарлайды Orda.kz.

Азат ауылындағы соңғы қайғылы оқиғаларға қатысты аймақ басшысы Марат Сұлтанғазиевтан орнын босату туралы ойы бар ма деп сұрадық.

«Ақпарат аз болды ма? Қазір жағдай тұрақты, құқық қорғау органдары барлық қажетті ақпаратты жеткізуде»,
 деп жауап берді Сұлтанғазиев.

Әкімнің айтқан сөздеріне қарасақ, әзірге қызметінен кететін ниеті жоқ. Оның айтуынша, бұл мәселені жоғары тұрған басшылық шешеді.

«Бүгінгі таңда біздің жұмысымыз әлеуметтік желілерде таралған ақпарат бойынша ғана бағаланбайды, көптеген көрсеткіштер бар — экономикалық, әлеуметтік және басқалар. Менің ойымша, басшылық өз бағасын береді»,
 дейді аймақ басшысы.

Еске сала кетейік, Талғар маңында марқұм Шерзат Болаттың ағасының денесі табылған еді. Нұрқанат Ғайыпбаевтың жаназасы шыққан соң Каржаубай Нұрымов журналистермен кездесуді талап етіп, қолына пышақ алып өз-өзін жарақаттаймын деп қоқан-лоққы көрсетті.