Талғардағы уақытша ұстау абақтысынан қашып кеткен адам қамауға алынды

Орда.kz редакциясына уақытша ұстау изоляторынан қашып кеткен педофил күдіктінің жедел ұсталғаны туралы видео келді.

Кадрларда қауіпсіздік күштері мен еріктілердің күдіктінің қолын артына қайырып, жерге құлатқаны көрінеді.

«Біз оны ұстадық, ұсталды!» ,- деген дауыстар естіледі.  

Ұсталған қашқынның өзі заңсыз жазаламауды өтініп жатыр. Бейнежазбада оның :

«Жігіттер, мені ұрмаңдар. Маған жазықсыз айып тағылып жатыр... Ойларыңа келгенді істемеңдер! Менің қолым сынған, ақырын, абайлаңдар!», - дегені анық естіліп тұр. 

Естеріңізге салайық, Тереңқара ауылының шетінде жүргізілген ауқымды жедел іздестіру шаралары нәтижесінде полицейлер 21 қазан күні Талғар уақытша ұстау изоляторынан қашып кеткен күдікті Бекарыс Қалмырзаевты ұстады.

Ол қашып кеткеннен кейін іздестіруге бірден барлық полиция күштері тартылды. Еріктілер жасақтары да іздестіру жұмыстарына белсене атсалысты.

Оның ішінде қоғамдық көмекшілер, еріктілер егістік алқаптарды, орман белдеулерін және бос ғимараттарды адақтап,  жақын маңдағы елді мекен тұрғындарынан сұрастырған болатын.

Ұсалғаннан кейін қашқын уақытша ұстау изоляторына қайтарылды. Оған негізгі айыппен қоса, қамаудан қашып кеткені үшін тағы да айып қосылады. Полицейлер мұндай жағдайлар кешенді шараларды қажет ететінін атап өтіп, іздеуге көмектескен және операцияның сәтті аяқталуын қамтамасыз еткен жұртшылыққа алғысын білдірді.