Талғарда сегіз үйді өрт жалмап кетті

Талғарда жалын от тұрғын үйді толық шарпып, бір үй, сегіз пәтерді жалмап кетті. Тілсіз жау 500 шаршы метр аумақты өртке орады, деп хабарлайды Orda.kz.

Әлеуметтік желіде Талғарда қатар тұрған сегіз үйдің отқа оранған видеосы тарап кетті. Оқиға  27 маусым күні  Талғар ауданы, Белбұлақ ауылы, Жібек жолы көшесі, 18 мекенжайындағы сегіз пәтерлі үй-жайда болған.

Алматы облысының ТЖД-нің мәліметінше, күрделі жағдай мен өрт аумағының үлкен болуына байланысты қосымша күштер мен техникалар жұмылдырылған екен.

«101» нөміріне хабардың кеш түсуіне байланысты алғашқы өрт сөндіру бөлімдері келген кезде жалын сегіз пәтерді қамтып, өрт аумағы шамамен 500 шаршы метрге жеткен. Өрттің тез таралуына қатты жел және ғимараттың конструкциялық ерекшеліктері әсер еткен. Үй қамыс қаңқалы және кірпіш материалдарынан салынған»,– делінген Алматы облысы төтенше жағдайлар департаментінің мәлімдемесінде.

Өрт толықтай сөндірілген, қаза болғандар мен зардап шеккендер жоқ. Өрттің шығу себебі анықталып жатыр.

Оқи отырыңыз:

• ӘЧ-2026: Роналду, Месси және Мбаппе — Forbes тізіміндегі бестіктің табысы қанша?
• 30 жыл бойы заң қабылдаған Сенаттың соңғы отырысы өтті