Талғар ауданында екі оқушы суға батып кетті

Талғар ауданының Өстемір ауылы маңында орналасқан «Саз Талғар №2» су қоймасында екі оқушы суға батып кетті, деп хабарлайды Orda.kz Алматы облысы Төтенше жағдайлар департаментінің баспасөз қызметіне сілтеме жасап.

Оқиға туралы хабар 8 мамырда 112 желісіне түскен. Ата-анасының қарауынсыз қалған екі кәмелетке толмаған бала су айдынының жанында, демалуға жабдықталмаған жерде болған. Абайсыз әрекет салдарынан олар суға құлап кеткен.

Оқиға орнына Алматы облысы ТЖД күштері мен құралдары жедел түрде жіберілді. Іздеу-құтқару жұмыстары барысында құтқарушылар екі кәмелетке толмаған баланың денесін судан алып шықты.

Алматы облысы ТЖД азаматтарды су айдындарында қауіпсіздік шараларын қатаң сақтауға, балаларды қараусыз қалдырмауға және қауіпті учаскелерге бармауға шақырады.

Оқи отырыңыз:

• Елімізде төтенше жағдайлар министрлігінің 30 жылдығына орай 30 игі шара ұйымдастырылды
• ТЖД Алматыдағы ірі өрттің жай-жапсарын мәлімдеді
• Сотталған ТЖД басшысы мемлекеттен 100 млн теңге талап етті