Талғар ауданында автобус пен Камаз соқтығысты

Алматы облысының Талғар ауданында қоғамдық көлік қатысқан жол апаты болды, деп хабарлайды Orda.kz.

Оқиға 26 мамыр күні кешкі сағат 18:00 шамасында Алматы – Көкпек – Көктал автожолының 14 шақырымында болған.

Полиция мәліметінше, SAZ маркалы автобус жүргізушісі реттелетін қиылыста солға бұрылу кезінде қарсы бағытта келе жатқан КАМАЗ жүк көлігіне жол бермеген. Соның салдарынан екі көлік соқтығысқан.

Әлеуметтік желілерде тараған видеода жүк тиелген арнайы техниканың автобусты қатты соққаны көрінеді.

Қазіргі уақытта зардап шеккендер туралы нақты ақпарат жарияланған жоқ. Полиция жол-көлік оқиғасына себеп болған жүргізушіні әкімшілік жауапкершілікке тартқанын мәлімдеді.

Оқи отырыңыз:

• Жамбыл облысында жедел әрекет ету арнайы жасағының инспекторы өзіне қол жұмсады
• АҚШ-та миллиардер Джефф Безостың алып зымыраны жарылды