Талдықорғандағы үш аурухананың науқастары палаталарда тоңып жатыр

Облыстық, балалар және көп бейінді ауруханалардың емделушілері палаталарда  қатты суық екенін айтып шағымдануда. Олар тоңып қалмас үшін балаларды киіндіріп, орап алу керек дейді.

Мұның бәрі бір күн бұрын болған қаладағы негізгі жылу магистралінің бірінде болған апаттың кесірінен. Салдарынан 85 тұрғын үй мен 12 бюджеттік мекеме жылусыз қалды.

Шенеуніктер барлық нысандарды түнде қосуды жоспарлаған, алайда осы уақытқа дейін кейбір мекемелер әлі де жылусыз отыр. Жетісу облыстық тұрғын үй-коммуналдық шаруашылық басқармасы оқиға орнында жедел топтардың жұмыс істеп жатқанын хабарлады.

— Қазір сол жерге қайтадан бригада жібердім, барлығын тексереді. Кешке жылу бердік. Бірақ құбырларда ауа қалады. Ауаны сорып шығарып жатыр, – дейді тұрғын үй-коммуналдық шаруашылық бөлімі басшысының орынбасары Данияр Ысқақов.

Талдықорғандағы ірі жылу желілерінің бірінде болған апат тұрғындарды күні бойы жылусыз қалдырды. Желтоқсан көшесінің бойында бір күн бұрын таңғы сағат 9-да болған жарылыс 10 сағаттан кейін жойылды.