Талдықорғанда асханада болған жанжал әйел өлімімен аяқталды

Талдықорғанда асханаға тамақтануға келген адамдар арасында жанжал шығып, арты пышақтасуға ұласып, адам өлімімен аяқталды, деп хабарлайды Orda.kz.      

Оқиға туралы ақпарат әлеуметтік желілерде тарады. Онда қалалық автобекет маңындағы асханалардың бірінде жас әйелге бірнеше рет пышақ жарақаты салынғаны айтылған. Жазба авторының мәліметінше, әйелге белгісіз ер адам шабуыл жасап, ол ауруханаға жеткізілген бетте көз жұмған.

Жарияланым қазақстандықтар арасында қызу пікірталас тудырды. Көпшілік әйел жанжалды өзі арандатуы мүмкін деген болжам айтса, енді бірі Талдықорғанда соңғы кезде жиілеп кеткен зорлық-зомбылық оқиғаларына алаңдаушылық білдірді.

Облыстық прокуратура мен полиция бұл факт бойынша қылмыстық іс қозғалғанын қысқаша хабарлады.

Сонымен қатар журналистер тұрмыстық жанжал салдарынан 34 жастағы Алматы тұрғыны қаза тапқанын анықтады. Ол кеуде, арқа, мойын және қол тұсынан көптеген жарақат алған. Шабуыл жасаған – 36 жастағы жергілікті тұрғын. Жәбірленуші мен күдіктінің таныс болған-болмағаны және жанжалдың нақты себебі әзірге белгісіз.

Оқи отырыңыз:

• Талдықорған мектебіндегі қауіпті «ойын»: ата-аналар жауапқа тартылды
• Талдықорғандағы жеке ауруханда бала екінші қабаттан құлап, ота жасалды
• Зорлық үшін сотталған Талдықорғандағы полиция басшысы колониядан арыз түсірді