Таеквондодан қазақ бапкері «Жылдың үздігі» атанды

Париж Олимпиадасында Тунис еліне 1 алтын 1 қола әкелген қазақстандық Есбол Сұлтанов әлем бойынша таеквондодан жылдың «Үздік бапкері» атанды, деп хабарлайды Orda.kz.

Талантымен Тунисті ғана емес төрткүл дүниені мойындатқан Есбол Сұлтановты Гонконгта өткен дүниежүзілік таеквондо федерациясы WT (Workd Taekwondo) 2024 жылдың үздік бапкері деп марапаттады.

Айта кетейік, таеквондо тарихында тұңғыш рет Қазақстандық бапкер жыл үздіктерінің қатарынан табылып отыр. Осыған дейін Orda.kz тілшісі Тунис ұлттық құрамасының бас жаттықтырушысынан сұхбат алған болатын. 

Сұлтанов өзінің Instagram парақшасында қуанышымен бөлісіп, алғысын білдірді.

«Бүгін дүниежүзілік таэквондо федерациясынан «Үздік бапкер» марапатын алдым. Тунистік таэквондо ұжымын құттықтаймын! Біз бұл жетістікке бірге жеттік. Федерация президентіне, жаттықтырушыларға, спортшыларға шексіз алғысымды білдіремін. Париж Олимпиадасында Тунис 4-орынға ие болып, бір  алтын және бір қола  жеңіп алдық. Лос-Анджелесте Тунис бұдан да биікке көтеріледі деп сенемін»,– деді Есбол Сұлтанов.