Стамбұл қаласының бұрынғы мэрі 7 жылға түрмеге тоғытылды

Түркияда Стамбұлдың экс-басшысы және оппозиция көшбасшысы Экрем Имамоглыға қатысты сот басталды. Оған сыбайлас жемқорлыққа қатысты және тыйым салынған Күрдістан жұмысшы партиясымен байланысы бар деген айып тағылды, деп хабарлайды Orda.kz.

11 сәуір, жұма күні Стамбұл қаласының бұрынғы мэрі алғаш рет сот алдына шықты. Жеті жылға дейін бас бостандығынан айырылуы мүмкін  айыптарды Имамоғлы «саяси сылтау» деп атады.

Оппозиция көшбасшысы өз кінәсін мойындамайды. Сот залында ол қудалау оның саяси жетістіктеріне байланысты екенін мәлімдеді.

2028 жылғы сайлауда Режеп Тайып Ердоғанның басты қарсыласы болып саналатын саясаткер президенттік науқан басталғанға дейін бірнеше күн бұрын - 19 наурызда ұсталған болатын. Мемлекеттік Anadolu агенттігі оған парақорлық, қылмыстық ұйымды басқару және терроризмді қолдау сияқты ауыр айыптаулар тағылғанын хабарлады.

Экс-қала басшысының биліктің қысымына тап болып отырғаны бірінші рет емес. 2022 жылы ол «сайлау комиссиясы өкілдерін қорлағаны үшін» шартты түрде жаза арқалап, оған 2023 жылғы сайлау қарсаңында оған бірқатар көпшілік іс-шараларға қатысуға тыйым салынды.

Экрем Имамоғлының ісі бойынша келесі сот тыңдауы 16 маусымға белгіленген.

Түркияда оппозиция көшбасшысының тұтқындалуы салдарынан осы уақытқа дейін жалғасып келе жатқан митингілер саябырсыды.

Стамбұлдың қызметі уақытша тоқтатылған мэрі және оппозициялық саясаткер Экрем Имамоғлы Республикалық халық партиясынан (РХП) Түркия президенттігіне кандидат ретінде ұсынылған болатын. 

Жақында Түркияда қамауға алынған Стамбұлдың  экс-мэрі Имамоғлының адвокаты Мехмет Пехливан ұсталды.