Экрем Имамоғлы Түркия президенттігіне үміткер атанды

Стамбұлдың қызметі уақытша тоқтатылған мэрі және оппозициялық саясаткер Экрем Имамоғлы Республикалық халық партиясынан (РХП) Түркия президенттігіне кандидат ретінде ұсынылды. Бұл туралы праймериз аяқталғаннан кейін дауыс беруді ұйымдастырушылар мәлімдеді, деп хабарлайды Orda.kz жергілікт Sözcü басылымына сілтеме жасап.

РХП праймеризіне 15 миллион түрік азаматы қатысты, бұл елдегі барлық тіркелген сайлаушылардың төрттен бір бөлігі дерлік. Олардың 13,2 миллионы жалғыз кандидат болған Имамоғлыға дауыс берді.

Партия төрағасы Өзгүр Өзел қазіргі президент Режеп Тайып Ердоғанды ​​мерзімінен бұрын сайлау өткізу туралы шешім қабылдауға және мемлекет басшысы лауазымына Имамоғлымен жеке бәсекелесуге шақырды.

Оппозицияның он мыңдаған жақтастары Стамбұл қалалық әкімшілігінің алдына жиналып, Имамоғлыны саяси астарлы қудалауды тоқтатуды талап етті.

Экрем Имамоғлы 19 наурызда қылмыстық ұйымды басқарды және жемқорлық жасады деген айыппен ұсталған. Түркияның мемлекеттік Anadolu агенттігінің хабарлауынша, ол тыйым салынған Күрдістан жұмысшы партиясын (КЖП) қолдады деген күдікке ілінген. Имамоғлының өзі барлық айыптауларды үзілді-кесілді жоққа шығарады.

23 наурызда сот оны қамауға алу туралы шешім шығарып, түрмеге қамады. Сол күні Түркияның Ішкі істер министрлігі Имамоғлыны мэр қызметінен уақытша шеттеткен. Жақын күндері КХП көп орынға ие болатын Стамбұл муниципалды кеңесі мэр міндетін атқарушыны тағайындауы керек.

Түркияда Стамбұл мэрі Экрем Имамоглу мен оның серіктестерінің ұсталуына қарсы жалғасып жатқан жаппай наразылықтар салдарынан Стамбұл биржасының индексі тез төмендеді.

Бес күннен бері наразылық шаралары тоқтаған жоқ.