Спорттағы жемқорлық үшін жаза күшейтілді

Өзбекстанда спорт саласындағы жемқорлық үшін жаза күшейтілді, деп хабарлайды Orda.kz.

Ел президенті Шавкат Мирзиеев жаңа заңға қол қойды. Енді спорттық жарыстар кезінде пара бергендер 8 жылға дейін бас бостандығынан айырылады.

Жаңа заңда жарыс нәтижелерін қасақана өзгертуге бағытталған әрекеттері үшін заңсыз сыйақы алатын спортшы, жаттықтырушы, төреші және басқа да жарыс ұйымдастырушыларына 50-ден 100-ге дейін базалық есептік шамада айыппұл салу қарастырылған. Сондай-ақ, бопсалау немесе құқықбұзушылық қайталанған жағдайда жаза күшейтіледі.

ҚР Туризм және спорт министрлігі спортты қаржыландыру саласындағы сыбайлас жемқорлық тәуекелдері туралы мына жерден оқи аласыздар.

Бұған дейін Антикор спорттық атақтарды негізсіз беру бойынша қылмыстық іс қозғағаны туралы  Orda.kz. жазған болатын.