Сот Трамптың жаңа жарлығына шектеу қойды

Сиэтлдегі аудандық сот АҚШ президенті Дональд Трамптың жаңа туған сәбилерге азаматтық беруді шектейтін жарлығын уақытша тоқтатты, деп хабарлайды Orda.kz. 

Еске салайық, бұған дейін Дональд Трамптың үстінен 22 штат шағым түсірді. Олар Дональд Трамптың енгізген бұйрықтарына келіспейтінін ашық мәлімдеді. Трамп арнайы бұйрықпен АҚШ аумағында туған сәбилерге азаматтық беруге тыйым салған еді. Шектеу елде заңсыз жүрген не азаматтығы жоқ мигранттарға қатысты болатын. Ал шағым иелері осы шешімге қарсы шықты. Олар соттан АҚШ-та туылған  заңсыз мигранттардың балалары азаматтық ала алмайтын құжаттың күшін жоюды сұрады.

Сот шешімі Вашингтон, Иллинойс, Орегон және Аризона штаттары өкілдерінің сот ісін қанағаттандырды. Олар Трамптың жаңа жарлығы 1868 жылы қабылданған АҚШ конституциясындағы 14-ші түзетуді бұзды деп есептеген еді.