«Бұйрыққа келіспейді»: Дональд Трамптың үстінен 22 штат шағым түсірді

Дональд Трамптың үстінен 22 штат шағым түсірді. Олар Дональд Трамптың енгізген бұйрықтарына келіспейтінін ашық мәлімдеді, деп хабарлайды Orda.kz.

Оның ішінде Сан-Франциско мен Колумбия округының бас прокуратурасы да бар. 

Трамп арнайы бұйрықпен АҚШ аумағында туған сәбилерге азаматтық беруге тыйым салған еді. Шектеу елде заңсыз жүрген не азаматтығы жоқ мигранттарға қатысты болатын. Ал шағым иелері осы шешімге қарсы шықты. 

Қарсы топ президент қолданыстағы конституцияның 14-ші түзетуін бұзды деп айыптап отыр. Онда ел аумағында дүниеге келген барлық нәресте бірден АҚШ азаматы атанатыны жазылған. Ал олардың саны жыл сайын 150 мыңға көбейіп отырады. 

Бұйрық күшіне енсе, Америкада туған балалар медициналық көмектен қағылып, тіпті елден депортациялануы мүмкін. 

Еске салайық, Вашингтонда өткен инаугурацияда Дональд Трамп ресми түрде АҚШ-тың 47-президенті ретінде қызметіне кірісті.