Сот Назарбаевтың бұрынғы күйеу баласының банкрот деп тану жөніндегі өтінішін қайта қарайды

Алматы соты Данияр Хасеновтің өтініші бойынша материалдарды қайта қарауға жіберді. Әлия Назарбаеваның бұрынғы жұбайы өзін банкрот деп тануды талап етіп отыр, деп хабарлайды Orda.kz.

Өткен жылдың 6 қазанында Алматы қаласының Бостандық аудандық соты бұл өтінішті қанағаттандырудан бас тартқан еді. Назарбаевтар әулетінің бұрынғы туысы бұл шешіммен келіспей, бірінші сатыдағы соттың ұйғарымын жоюды және істі қайта қарауға жіберуді сұрап жеке шағым түсірген. Сот оның өтінішін қанағаттандырды.

Хасенов өтінішінде өзінің иелігінде мүлік жоқ екенін және кредиторлардың мүддесіне зиян келтіретін мәмілелер жасамағанын мәлімдеген.

Бұған дейін Бостандық аудандық соты Хасеновтің кредитормен келісуге және қарызды реттеуге әрекет жасағанын дәлелдейтін құжаттарды тапсыру үшін белгіленген 12 айлық мерзімді өткізіп алғанын көрсеткен. Осы негізде сот оны банкрот деп танудан бас тартқан.

Бұған дейін Orda.kz сот деректер базасына сілтеме жасай отырып, Хасеновтің 2000-жылдары өзіне тиесілі компаниялардың ірі несиелері бойынша кепілгер болғанын хабарлаған. 

Айта кетейік, Астана соты судья Әсел Досаеваға мас кезінде жүргізуші куәлігінсіз көлік басқарғаны үшін айыппұл салды. Оқиға 2025 жылдың 1 қарашаға қараған түні болған еді.