Сот Қашаған операторларының ірі көлемдегі айыппұлға қатысты апелляциясын қанағаттандырмады

Сот Қашаған операторларының 5 млрд доллар көлеміндегі айыппұлға қатысты апелляциясын қанағаттандырмады, деп хабарлайды Orda.kz.       

8 сәуірдегі шешім артық күкіртті сақтау фактісі бойынша 2,356 трлн теңге көлеміндегі айыппұлды күшінде қалдырды, деп мәлімдеді Bloomberg.

NCOC консорциумы бұл шешіммен келіспейтінін мәлімдеп, өз құқықтарын қорғау үшін барлық қолжетімді шараларды қолданатынын және қызметінің заң талаптарына толық сәйкес екенін алға тартты.

Сонымен Қашаған кен орнын игерушілер Астанадағы экологиялық айыппұлға қатысты апелляцияда ұтылып қалды. Бұл жағдай олардың алдағы уақытта айыппұлды қайта шағымдану мүмкіндіктерін шектейді.

8 сәуірдегі шешіммен Астана соты Қашаған кен орнын игерушілерге қатысты бұрын шығарылған 2,356 трлн теңге көлеміндегі айыппұлды күшінде қалдырды. Айыппұл кен орнында күкірттің шамадан тыс көлемде сақталғаны үшін салынған, деп хабарлады Bloomberg экология министрлігінің жауабына сілтеме жасап.

Қашаған кен орнын оператор – NCOC консорциумы сот шешімімен келіспейтінін мәлімдеді. Компания өздерінің күкіртті өңдеу қызметі заң талаптарына толық сәйкес екенін алға тартады.

Компания мен оның акционерлері де «осы шешімге байланысты өз құқықтарын қорғау үшін барлық қолжетімді тәсілдерді қолданатынын» мәлімдеді.

Күкіртті артық сақтау үшін салынған айыппұл Қашағанға қатысты 166 млрд доллар көлеміндегі ірі халықаралық арбитраждық дауға қатысты туған еді. Бұл – Қазақстандағы екінші ірі мұнай кен орны. Даудың басым бөлігі жіберіп алған пайдаға қатысты талаптардан тұрса, сонымен қатар қоршаған ортаға келтірілген болжамды зиян мен жемқорлыққа байланысты шығындарды да қамтиды.

Биылғы ақпанда Қашағанды игерушілер 5 млрд доллар көлеміндегі экологиялық айыппұлға қарсы шығу үшін халықаралық арбитраж бастады.

Еске салсақ, 2023 жылдың басында Қазақстан үкіметі Қашағанды басқаратын North Caspian Operating Company консорциумына кен орнында күкірт тым көп сақталуы мүмкін деген себеппен 2,3 трлн теңге (шамамен 4,8 млрд доллар) айыппұл төлеуді міндеттеген еді. NCOC бұл шешімге шағым түсірген.

Компания апелляциялық соттың үкімін жою үшін Қазақстанның Жоғарғы сотына шағым берген. Апелляциялық сот үкіметтің кен орнында күкірт шамадан тыс сақталғаны және су тазалау мен шығарындыларға қатысты басқа да бұзушылықтар болғаны туралы уәждерін қолдаған болатын.

2025 жылдың тамыз айының басында Астана соты рәсімдік бұзушылықтарға байланысты Атырау облысы экология департаментінің NCOC компаниясына қатысты нұсқамасын жойған.

Өткен жылдың желтоқсанында Астана соты NCOC-тың апелляциялық шағымын қанағаттандырудан бас тартқан еді.

Оқи отырыңыз:

• Мұнай алпауыттары Қашаған дауына қатысты арбитражда жеңіске жетті
• Қашаған алтындары: рекрутингтік компанияның директоры тергеу изоляторына қамалды
• Қашағандағы жөндеуден кейін мұнай өндіру 80% қалпына келді