Сирия билігі Башар Асадты қамауға алу туралы ордер берді

Дамаск судьясы Тауфик әл-Алидің айтуынша, бұл шешім 2011 жылы Дараа қаласында өткен бейбіт наразылықтарды басуға байланысты қабылданған, деп хабарлайды Orda.kz SANA ақпарат агенттігіне сілтеме жасап.

Асадқа әдейі кісі өлтіру, адамдардың өліміне әкелген азаптау, заңсыз бостандығынан айыру секілді айыптар тағылып отыр. Құжатта өзге де айыптар көрсетілген, соның ішінде — «азаматтық соғысты тұтандыруға әрекет жасау» бар.

Сот қаулысы Сирия билігіне Интерполға жүгініп, халықаралық тергеу бастауға мүмкіндік береді.

Бұл іс бойынша арыздарды Дараада басталып, сириялық көтерілістің алғышартына айналған наразылық құрбандарының отбасылары түсірген.

2024 жылғы 8 желтоқсанда 2011 жылдан бері жалғасқан азаматтық соғыста шешуші бетбұрыс болды. Соңғы 24 жыл бойы билікте отырған Башар Асадтың режимі құлады. Көтерілісшілер Дамаскты басып алды, Асад Ресейге қашып кетті.

Қаңтар айында Сирияда Ахмед аш-Шараа басқаратын өтпелі әкімшілік құрылды. Жаңа билік бұрынғы президентті экстрадициялауды талап етті, бірақ Мәскеу оны беруден бас тартты.

Биылғы қаңтар айының соңында Сирияда жаңа президент сайланып,  Башар Асадты экстрадициялау қарастырылды.