Сирия Ресейден Башар Асадты беруді талап етті

БАҚ-тағы ақпаратқа сүйенсек, Сирияның жаңа билігі ресми түрде Ресейге елдің бұрынғы президенті Башар Асадты беруді талап етті, деп хабарлайды Orda.kz.

Өз дереккөздеріне сілтеме жасаған Al Arabiya телеарнасының хабарлауынша, Сирия көшбасшысы Ахмед аш-Шараа Ресей президенті Владимир Путиннен экс-президент Башар Асадты беруді талап еткен.

Журналистердің айтуынша, бұған дейін Путин Сирия мемлекетінің басшысына үндеу жолдап, оның егемендігін, тәуелсіздігін, бірлігі мен аумақтық тұтастығын қамтамасыз ету мүддесінде елдегі жағдайды тезірек тұрақтандыру жөніндегі күш-жігерін қолдаған.

Асад 2024 жылдың желтоқсанында Дамаскты басып алып, оның режимін құлатқан кезде Сириядан қашқан. Қазір бұрынғы президент Мәскеуде, ол жақтан оған және оның отбасына баспана берілді.

7 қаңтарда Түркия президенті Режеп Тайып Ердоған Анкарада губернаторлармен болған кездесуде Башар Асадтың 13 жылдық билігі Сирияға 500 млрд доллар зиян келтіргенін мәлімдеді.