Шымкентте ЖОО-ның 320 миллионын жымқырған сегіз адам сотталды

Шымкент қаласының ауданаралық соты Мұхтар Әуезов атындағы Оңтүстік Қазақстан университетінің бұрынғы сегіз қызметкері мен басшысына үкім шығарды, деп хабарлайды Orda.kz.      

 Олар оқу орнының жүздеген миллион теңге қаражатын жымқырғаны үшін кінәлі деп танылды.

Тергеу мәліметінше, қаражат жалған келісімшарттар мен есеп құжаттарындағы айла-шарғылар арқылы шығарылған. Келтірілген жалпы шығын 320 миллион теңгеден асты. Қаражаттың бір бөлігі қайтарылғанымен, 24 миллион теңгеден астамы өтелмеген.

Тағы екі қатысушы 7 және 8 жылға сотталды. Екі адамға шартты жаза тағайындалды, тағы екеуі амнистияны қолдана отырып 5 жыл 7 айға сотталды. Бір айыпталушы 2 жылға бас бостандығынан шектелді. Университеттің бұрынғы бірінші проректоры немқұрайдылық жасағаны үшін кінәлі деп танылып, амнистияға байланысты жазадан босатылды.

Соттың баспасөз қызметінің хабарлауынша, үкім шығару кезінде үш айыпталушының кінәсін мойындауы мен өкінуі, сондай-ақ төрт айыпталушының кәмелетке толмаған балаларының болуы ескерілген. Ауырлататын мән-жайлар анықталмаған.

Қаржылық мониторинг агенттігі бұл іс бойынша тергеу барысында университеттің тауарлар мен қызметтерді жеткізуге жалған келісімшарттар жасағанын анықтаған. Кейбір тауарлар мүлде жеткізілмеген, ал кейбірі нарықтағы бағадан әлдеқайда жоғары бағамен сатып алынған. Мысалы, университет басшылығы бір креслоны 20 миллион теңгеге сатып алған, ал оның нарықтағы бағасы 200 мың теңгеден аспаған. Заңбұзушылықтарды жасыру үшін «тозған» деп көрсетілген тауарлар есептен шығарылып, іс жүзінде әрі қарай пайдаланылған.

Оқи отырыңыз:

• Шымкентте 1,7 млрд теңгенің негізсіз бюджет шығындары анықталды
• Шымкент суға батты: Қала әкімі жағдайға қатысты пікір білдірді
• Шымкент қаласының бас сәулетшісі ұсталды