Шымкент қаласында шектеу шаралары күшейтілді

Шымкент қаласының бас санитарлық дәрігері карантиндік шараларды күшейту туралы қаулыға қол қойды.

Бұл туралы Orda.kz хабарлады.

Қала тұрғындары мен қонақтарына бұқаралық іс-шараларды өткізуге тыйым салынады (ауыз ашар, еске алу, туған күн, мерейтой, қоштасу, той, беташар және т.б.).

65 жастан асқан адамдардың қала бойынша қозғалысы шектелді.

Тұрғындар қоғамдық орындарға, оның ішінде қоғамдық көліктерге барғанда маска режимін, әлеуметтік арақашықтықты сақтауға міндетті.

Кеңсе қызметкерлерінің 50% қашықтықтағы жұмысқа ауысады.

Азық-түлік және азық-түлікке жатпайтын базарлардың, жәрмеңкелердің жұмыс күндері жұмыс уақыты 6.00-ден 18.00-ге дейін, демалыс және мереке күндері 9.00-ден 17.00-ге дейін.

Банкет залдарының, аквапарктердің, жағажайлардың қызметіне тыйым салынады.

Спа-орталықтар, косметологиялық қызметтерді ұсынатын сұлулық салондары жексенбіде жұмысын уақытша тоқтатады. Қалған күндері сағат 9.00-ден 23.00-ке дейін алдын ала жазылу арқылы жұмыс істейді.

Кезекші топтарды қоспағанда (20 адамнан аспайтын) балалар сауықтыру лагерлерінде және мектепке дейінгі мекемелерде жұмыс істеуге тыйым салынады.

Балаларға арналған ойын-сауық орталықтары мен цирктердің жұмысына да тыйым салынған. Көңіл көтеру орындары - караоке, бильярд бөлмелері, түнгі клубтар, боулинг орталықтары және т.б. тыйым салынған.

Сауда-ойын-сауық орталығы 9.00-ден 22.00-ге дейін сыйымдылығы 30%-дан аспайтын адам жұмыс істей алады.