ШҚО-да ер адам бірнеше жыл бойы қызын зорлаған

Шығыс Қазақстан облысының Риддер қаласында ер адам бірнеше жыл бойы өз қызына сексуалдық зорлық-зомбылық көрсеткен, деп хабарлайды Orda.kz.

Ресми емес ақпаратқа сәйкес, қыз алты жасынан бастап әкесінің сексуалдық зорлығына ұшыраған. Қазір оның жасы 13–14-те.

Шілде айының басында ер адамды полиция қызметкерлері ұстаған. Алдын ала ақпарат бойынша, күдікті жұмыс орнында ұсталған.

Шығыс Қазақстан облысының полиция департаменті Риддер қаласының полиция бөлімі Қылмыстық кодекстің 120-бабының 4-бөлігі бойынша – кәмелетке толмағанды зорлау дерегі бойынша сотқа дейінгі тергеу жүргізіп жатқанын хабарлады.

Сот сараптамалары тағайындалып, тергеу әрекеттері жүргізіліп жатыр. Қылмыстық-процестік кодекстің 201-бабына сәйкес, өзге ақпарат жарияланбайды.

Оқи отырыңыз: 

«Аз жалақыға ауыр жұмыс істейді»: Коммуналдық қызметкерлерді сынап басы дауға қалды

Павлодар облысында трактор екі баланы қағып кетті