ШҚО-да дәл Рождество күні бірнеше адамның өлімі тіркелген

7 қаңтар күні кешке Өскемен қаласындағы Астана көшесінде орналасқан көпқабатты үйлердің бірінде болған тұрмыстық жанжал адам өлімімен аяқталды, деп хабарлайды Orda.kz. 

Күдікті ізін суытпай ұсталды. Қазіргі уақытта ол уақытша ұстау изоляторына қамалды. Шығыс Қазақстан облыстық полиция департаментінің мәліметінше, ҚР Қылмыстық кодексінің 99-бабы — «Адам өлтіру» бойынша сотқа дейінгі тергеп-тексеру басталды.

Сондай-ақ, сол күні Шығыс Қазақстан облысында тағы бір адам пышақ жарақатынан қаза тапқаны белгілі болды.

Қатонқарағай ауданында жергілікті тұрғындардың бірі жанжал барысында танысын пышақтаған. Зардап шеккен ер адам ауруханада көз жұмды. Аталған факті бойынша «Өлімге әкеп соққан қасақана ауыр дене жарақатын келтіру» бабы бойынша сотқа дейінгі тергеу басталды. Қазіргі уақытта тергеу әрекеттері жүргізіліп жатыр.

Айта кетейік, Нұрәлі Әлиев сананы өзгертуді және жаңартуға қатысты жобаларын ұсынды.