Шіріген құбырлар Алматының тұтас бір ауданын сусыз қалдырды

Алматы қаласының Алмалы ауданында, Шәкәрім көшесінде құбыр жарылып, тұрғындар ыстық судан айырылды, деп хабарлайды Orda.kz.

Апат 2010 жылы ғана төселген құбырдың коррозияға ұшырауы салдарынан болған.

«Диаметрі 200 мм болатын құбыр бөлігіндегі ақауды жою жұмыстары жүргізіліп жатыр. Оқиға орнында сегіз жұмысшы мен үш арнайы техника жұмыс істеуде»,  деп мәлімдеді «Алматылық жылу желілері» компаниясы. 

Апат салдарынан Шәкәрім – Прокофьев – Құлымбетов – Брусиловский көшелері шеңберінде орналасқан тұрғын үйлер уақытша ыстық сусыз қалды. Қызметті қалпына келтіру жұмыстары кеше кешкі сағат 23:00-ге дейін аяқталады деп уәде етілді.

Сондай-ақ, тілшіміз Түркістан облысындағы төбесі құлап, едені шіріген мектепте білім алуға мәжбүр болған оқушыларды өз көзімен көріп қайтты.