Шерзаттың соты: Ғайыпбаевтың жарақаты өміріне қаншалықты қауіп төндірді?

Бүгін Талдықорғандағы Шерзат Полатқа қатысты сот отырысы жалғасты. Бұл жолы сотқа Нұрғанат Ғайыпбаевқа сот-медициналық сараптама жасаған сарапшы келді, деп хабарлайды Orda.kz.

Ғайыпбаевтың денесінде көптеген соққыдан болған жарақат пен мидың шайқалуы, оң жамбас тұсындағы үш шаншыла кесілген жарақаттары бар. Яғни, пышақ жарақаты анық түскен. Жалпы Ғайыпбаевтың алған жарақаттарын сарапшы денсаулыққа жеңіл зиян келтіру ретінде сараланғанын айтты. 

Ары қарай сот отырысында прокурор Дана Сәрсенбай  қылмыстық іс материалдарын зерттеуге көшті.

Айта кетейік, өткен аптада сот медицина сарапшысы Тахир Халимназаров Шерзаттың нақты қандай жарақаттан қаза тапқанын айтты. Сонымен қатар, сарапшы Марқұм Шерзаттың 1,5 литр қан жоғалтқанын әрі алған жарақаты сұғылған пышақтың ұзындығынан да тереңірек болғанын мәлімдеді.