Шерзаттың отбасына қатысты сүйінші жаңалық

Шерзаттың отбасы қазан айында жаңа баспанаға көшеді. Алматы облысында Қаржаубай Нұрымовтың отбасына жаңа үй салу жұмыстары басталды, деп хабарлайды Orda.kz.

Мейірман Шекеевтің сөзінше, үй жеке бір кәсіпкердің демеушілігінің арқасында салынып жатыр. Құрылыс 15 қазанда аяқталады деп жоспарланған.

Жергілікті әкімдік құрылысты қадағалап, құжаттарын рәсімдеп беруге уәде берген.

Еске салсақ, былтыр Шерзаттың қазасынан бір аптадан кейін қара жамылған отбасының үйі өртенген еді. Полиция «бөтеннің мүлкін қасақана жою» фактісі бойынша іс қозғады. Алайда бір жылдан кейін іс тоқтатылды. Күдіктілер сол күйі анықталмады.